हेटौंडा। हेटौंडास्थित हिमालयन मोटर्सले शनिबार पत्रकार सम्मेलन गर्दै ‘प्रमाणित सुजुकी सेवा केन्द्र’ सञ्चालनमा ल्याएको घोषणा गरेको छ।
केन्द्रको औपचारिक उद्घाटन भने आइतबार गरिने जानकारी दिइएको छ।
हिमालयन मोटर्सका सञ्चालक सम्झौता सापकोटाले हेटौंडा तथा आसपासका सुजुकी सवारीधनीलाई आफ्नै क्षेत्रमा स्तरीय सेवा उपलब्ध गराउने उद्देश्यले सेवा केन्द्र सञ्चालनमा ल्याइएको बताए। उनका अनुसार आधुनिक सेवा पूर्वाधार, अत्याधुनिक उपकरण तथा अनुभवी मेकानिक टोलीमार्फत गुणस्तरीय, छिटो–छरितो र भरपर्दो सेवा प्रदान गरिनेछ।
केन्द्रमा साना–ठूला मर्मत, नियमित सर्भिसिङ (नियमित जाँच तथा मर्मत सेवा), आधिकारिक जेन्युइन (मूल) स्पेयर पार्ट्स तथा प्राविधिक परामर्श सेवा उपलब्ध हुने जनाइएको छ। यसबाट सुजुकी सवारीधनीले अब सेवा लिन टाढा जानुपर्ने बाध्यता हट्ने विश्वास लिइएको छ।
सञ्चालनको अवसरमा ग्राहकलाई सर्भिसमा २५ प्रतिशत र लुब्रिकेन्ट्स (इन्जिन तेल तथा अन्य स्नेहक पदार्थ) मा १० प्रतिशत छुट प्रदान गरिने जानकारी पत्रकार सम्मेलनमार्फत दिइयो।
