मकवानपुर क्षेत्र नम्बर–१ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेद्वार प्रकाश गौतमले उल्लेखनीय अग्रता बनाएका छन्। हेटौंडा–४ स्थित भुटनदेवी माध्यमिक विद्यालयको भवनमा भइरहेको मतगणनामा हालसम्म १४ हजार ६ सय ९७ मत गणना गर्दा गौतमले झन्डै दोब्बरभन्दा बढी मत ल्याउँदै ८ हजार ९ सय ४६ मत प्राप्त गरेका छन्।
उनका निकटतम प्रतिस्पर्धी नेपाली काँग्रेसकी उम्मेद्वार महालक्ष्मी उपाध्याय डिनाले हालसम्म १ हजार ७ सय २६ मत प्राप्त गरेकी छन्। त्यसैगरी नेकपा एमालेका उम्मेद्वार रामेश्वर रानाले १ हजार ५ सय १४ मत प्राप्त गरेका छन्।
राष्ट्रिय प्रजातन्त्र पार्टी (राप्रपा) का दीपकबहादुर सिंहले १ हजार ८७ मत प्राप्त गर्दा नेपाली कम्युनिष्ट पार्टीका विजय गौतमले ५ सय ७ मत पाएका छन्। यस अवधिमा ४ सय १६ मत बदर भएको निर्वाचन अधिकृतको कार्यालयले जनाएको छ।
मकवानपुर–१ मा अझै ८० हजार ६ सय १३ मत गणना गर्न बाँकी रहेकाले अन्तिम परिणाम आउन समय लाग्ने अनुमान छ।
