हेटौंडा । मकवानपुर प्रहरीले लागुऔषधसहित ४ जनालाई पक्राउ गरेको छ।
प्रहरीले लागुऔषधसहित शुक्रबार र शनिबार छुट्टाछुट्टै स्थानबाट ४ जनालाई पक्राउ गरेको हो।
शुक्रबार हेटौंडा -२ लोकप्रिय चोकस्थित गणेश मन्दिर अगाडीबाट मनहरी गाउँपालिका- १ घर भई हाल हेटौंडा -२ गणेश मन्दिर नजिक डेरा कोठा गरी बस्ने वर्ष २० को सुरेश थिङ र सोही स्थान बस्ने वर्ष १९ को सुजत थिङलाई खानतलासी गर्ने क्रममा निजहरुको साथबाट १५७ क्याप्सुल लागूऔषध ट्रामाडोल फेला परेको जिल्ला प्रहरीले कार्यालय मकवानपुरले जनाएको छ।
त्यसैगरी शनिबार हेटौंडा – ५ पिप्लेचोकस्थित कान्तीराज लोकपथ सडक खण्डमा सवारी साधनहरु रोकी चेकजाँच गर्ने क्रममा शान्ती टोलबाट पिप्ले चोकतर्फ आउदै गरेको ना. ३५ प ६७१२ नम्बरको स्कुटर चालक हेटौंडा -५ बस्ने वर्ष २१ को बिशेष शाक्य र सोही मोटरसाइकल पछाडी सवार भई आएका हेटौंडा -६ बस्ने वर्ष ३८ को सुवास चौलागाईलाई रितपुर्वक खानतलासी गर्ने क्रममा निजहरुको साथबाट ५२० मिलि ग्राम लागूऔषध खैरोहेरोईन फेला परेको थियोे ।
उक्त लागुऔषधसहित ४ जनालाई नियन्त्रणमा लिइ लागूऔषध कसुर मुद्धामा मकवानपुर जिल्ला अदालत हेटौडाबाट म्याद लिई अनुसन्धान कार्य भईरहेको प्रहरीले जनाएको छ।
