हेटौंडा – मकवानपुरको हेटौंडा –१० न्यूरेनीस्थित एक घरबाट लागूऔषध जस्तो देखिने खैरो हेरोइनसहित दुई जना पक्राउ परेका छन्।
जिल्ला प्रहरी कार्यालय मकवानपुरबाट खटिएको प्रहरी टोलीले प्राप्त सूचनाको आधारमा १७ गते साँझ करीब ८:०० बजे विकास तामाङको घरमा छापा मार्दा ३ ग्राम ७०० मिलिग्राम खैरो हेरोइन जस्तो देखिने पदार्थ बरामद गरेको हो।
घटनास्थलबाट हेटौंडा–१० का ३६ वर्षीय विकाश तामाङ र वडा नं. ४ का ३४ वर्षीय अब्दुल मन्सुरीलाई पक्राउ गरिएको प्रहरीले जनाएको छ। दुवैलाई नियन्त्रणमा लिएर मकवानपुर जिल्ला अदालतबाट लागूऔषध मुद्दामा म्याद थप गरी थप अनुसन्धान भइरहेको प्रहरीले जनाएको छ।
प्रतिकृया दिनुहोस्
