मकवानपुर । चलचित्र पत्रकार संघ नेपाल, मकवानपुर शाखाको १४औँ वार्षिक साधारणसभा तथा छैठौँ अधिवेशन सम्पन्न भएको छ। अधिवेशनले कपिल खड्कालाई पुनः अध्यक्षमा निर्वाचित गरेको हो ।
नयाँ कार्यसमितिको उपाध्यक्षमा रविन्द्र गौतम चयन भएका छन् भने सचिवमा मनोज देवकोटा, सहसचिवमा मन्जिता मैनाली र कोषाध्यक्षमा सन्नु रिजाल चयन भएका छन्।
त्यसैगरी सदस्यहरूमा दर्शन क्षेत्री, अन्जना न्यासुर, मनिता राना र रामकुमार दानी चयन भएका छन्।
कार्यक्रममा बोल्दै सहभागीहरूले चलचित्र पत्रकारिताको विकास, पेशागत मर्यादा तथा संस्थागत सुदृढीकरणमा जोड दिएका थिए। नव-निर्वाचित कार्यसमितिले पत्रकारहरूको हकहित संरक्षणसँगै चलचित्र क्षेत्रको प्रवर्द्धनमा सक्रिय भूमिका खेल्ने अपेक्षा गरिएको छ।
प्रतिकृया दिनुहोस्
